Ný stjórn ASSITEJ á Íslandi

Aðalfundur ASSITEJ var haldin í Þjóðleikhúskjallaranum í gærkvöldi og urðu svolitlar breytingar á stjórn.

Átta voru í framboði um fimm sæti og tvö varasæti en ákveðið var að allir átta frambjóðendur myndu taka sæti í stjórn.

Stjórn samtakanna 2015-2016 skipa:

Agnes Wild Anna Bergljót Thorarensen Aude Busson Lárus Vilhjálmsson María Pálsdóttir Tinna Grétarsdóttir Vigdís Jakobsdóttir Þórhallur Sigurðsson

Þær Agnes og Anna Bergljó eru nýjar í stjórn og eru þær boðnar sérstaklega velkomnar til starfa.

Stjórn mun formlega skipta með sér verkum á fyrsta stjórnarfundi sem haldinn verður innan tíðar.

Ein lagabreytingatillaga lá fyrir fundinum, sem var samþykkt einróma. Hljómar hún svo:

Heiðursfélaga má kjósa á aðalfundi eftir einróma tillögu stjórnar. Kjósa má aðeins einn heiðursfélaga í senn með að minnsta kosti tveggja ára millibili. Heiðursfélagar eru undanþegnir greiðslu félagsgjalda en njóta sömu réttinda og aðrir félagsmenn.

Greinin mun falla undir 5. Grein laga félagsins um félagsaðild.

#aðalfundur

Fylgstu með
  • Facebook Basic Square
  • Twitter Basic Square

© 2014-2017 ASSITEJ á Íslandi / ASSITEJ iceland  
Netfang / email: assitej.iceland@gmail.com